अ. भा. म.साहित्य संमेलन आणि जातीपातीचे राजकारण

अखिल भारतीय साहित्य संमेलनात होणारे वाद काही नवे नाहीत. तथापि या वेळी होऊ घातलेल्या साहित्य संमेलनात उपस्थित झालेला वाद हा अखिल मराठी सारस्वताला काळीमा फासणारा आहे. ह मो मराठे यांनी एक वादग्रस्त पत्रक प्रसिद्ध करून या वादास सुरवात केली आहे. निवडणूक प्रचारात उसळून वर येणारा जात हा मुद्दा राजकारणात नवा नाही. तथापि निवडणूक आचारसंहितेने त्यावर काही बंधने घातली आहेत. पण अशा जातीय राजकारणावर ही स्वत:ला सुसंस्कृत म्हणवणारी साहित्यिक मंडळी नेहमी टीकेची झोड उठवत असतात. आता खुद्द साहित्य संमेलनात असा प्रचार खुद्द या साहित्यिकांनीच करावा हि दुर्दैवाची गोष्ट आहे.

   

ह मो मराठेंच हे निवडणूक पत्रक अतिशय किळसवाणे गलिच्छ मुद्दे आणि जातीयवादी विखाराने भरलेले आहे. लोक अनेक गोष्टींचा स्वत:च्या स्वार्थासाठी उपयोग करून घेतात. ह मो नी इथ जातीला आपले हत्यार बनवले आहे. एकूण मतदारांमध्ये ४०% लोक ब्राम्हण आहेत असे ह मो सांगत असले तरी साधारण ५५ ते ६० टक्के मतदार ब्राम्हण आहेत असा अनेक जाणकारांचा अंदाज आहे. आता या बहुसंख्य वर्गाला जातीच्या कारणावरून आणि ते हि लपून व छुपे नाही अगदी उघड आणि उजळ माथ्याने ह मो नी मत मागितले आहे. समस्त ब्राम्हण समाजाचे आपणच एकटे तारणहार आहोत, संभाजी ब्रिगेड आणि तत्सम संघटनांकडून होणा-या विखारी प्रचारापासून आपणच ब्राम्हण समाजाचे रक्षण करू शकतो अशी स्वत:ची भ्रामक छबी या पत्रकाद्वारे त्यांनी उभी केली आहे.

आणि सगळ्यात किळसवाणा मुद्दा म्हणजे जेम्स लेन चे त्यांनी केलेल निर्लज्ज समर्थन. केवळ समर्थनच करून ह मो थांबले नाहीत तर आपल्या पत्रकात जेम्स लेनचे ते वादग्रस्त उतारे जसेच्या तसे उधृक्त करून त्यांनी निर्लज्जपणाची परमावधी गाठली आहे. या कळीच्या मुद्द्याला तोंड फोडून आपण ब्राम्हण समाजाची मते खेचू असे त्यांना वाटत असेल तर सध्याच्या समाजातला जातीयवाद कोणत्या थराला गेला आहे ते कळून येण्यासारखे आहे. ह मो यांना समाजातील अनेक थरातून विरोध होत आहे. संभाजी ब्रिगेड ने तर त्यांच्याविरुद्ध रान उठवले आहे. ह मो ही या विरोधाला न जुमानता ही निवडणूक लढवतील कि नाही, लढवली तर ते त्यात विजयी होतील कि नाही हा पुढचा भाग आहे. पण त्यांच्या या पत्रकाने खूप नवे प्रश्न उभे केले आहेत.

मुळात ह मो ना असे का वाटावे कि जेम्स लेन च्या मुद्द्यावरून आपण ब्राम्हण समाजाची मते खेचू ? जेम्स लेन च्या मुद्द्याचे जे समर्थन करतात ते या छत्रपतींच्या पुण्य पावन महाराष्ट्रात राहण्यास लायक तरी आहेत का ? राजमाता, माहेरी सासरी कुलवंत घराण्यातल्या जिजाऊवर, साक्षात महाराष्ट्राची माता असणा-या, समस्त शिवभक्तांना आदिशक्ती जगदंबेच्या ठिकाणी असणा-या जिजाऊ च्या चारित्र्यावर संशय घेणा-या जेम्स लेनच निर्लज्ज समर्थन करणारांना स्वत:च्या सख्ख्या मातेच्या चारित्र्याची तर किमान खात्री आहे ना ? स्वत:च्या मुठभर स्वार्थासाठी आपण किती लोकांच्या श्रद्धा पायदळी तुडवत आहोत याची या तथाकथित सुसंस्कृत समजल्या जाणा-या हरामखोरांना जाणीव आहे का ?

 

पुरोगामी म्हणवल्या जाणा-या महाराष्ट्रात चालवलेले हे जातीयवादाच थैमान आपण स्वस्थ बसून पहायचं का इतकाच रोखठोक सवाल आमच्या वाचकांना करून या प्रसंगी पुर करतो.

जय भवानी...!! जय जिजाऊ ..!! जय शिवाजी ...!!    

    







ह  मो मराठे यांच्या लेखातील आम्हाला खटकलेले मुद्दे .

१) ह मो यांनी ब्राम्हण मतदार डोळ्यापुढे ठेऊन उघड उघड जातीच्या आधारावर मागितलेली मते. मी ब्राम्हण आहे ब्राम्हणांनी मलाच मत दिले पाहिजे अशी थोडक्यात हमोंची भूमिका आहे. अशी जातीयवादी भूमिका लोकशाहीविरोधी आहे.

२) ह मो यांनी लेम्स लेन चे आक्षेपार्ह्य विधान जसेच्या तसे उधृक्त करून या आधी अनेकांनी केलेल्या चुकीची पुनरावृत्ती 

३)जेम्स लेन आणि ब्राम्हण यांचा बादरायण संबंध जोडण्याचा केलेला प्रयत्न  (इथे आम्ही मुद्दाम असे म्हणत आहोत कारण हमोना आपल्या निवडणूक पत्रकात जेम्स लेनचा उल्लेख करण्याची निकड भासली आहे ब्राम्हण मते खेचण्यासाठी)

४) जेम्स लेन ला कोर्टाने निर्दोष मुक्त केले आहे असे सांगून त्याचे निर्दोषत्व ठासून सांगण्याचा केलेला निंदनीय प्रयत्न .

    भलेही कोर्ट किंवा हमोंना  जेम्स लेन निर्दोष वाटत असेल. इथले कोटी कोटी शिवभक्त जेम्स लेनला कधीही माफ करणार नाहीत. त्यांच्या भावनांना निष्कारण स्वत:च्या स्वार्थाची पोळी भाजण्यासाठी कोणी हात घालत असेल तर त्याला आमचा मराठी बाणा आम्ही दाखवल्याशिवाय राहणार नाही.

फेसबुक आणि जातीयवाद

     फेसबुकवर अनेक समूह आहेत. यापैकी बहुतांश समूहातून चक्कर मारल्यास एक धक्कादायक चित्र समोर येते. बहुतांश समूहात जातीभेद अगदी पराकोटीला पोहचलेला दिसून येतो. एकमेकांच्या जातीपातीवर टीका करूनच हि मंडळी थांबत नाहीत. आपण एका सोशल कम्युनिटी साईट वर आहोत याचे कोणतेही भान न ठेवता अर्वाच्च शिवीगाळ केली जाते. एखाद्याने एका विशिष्ट जातीवर टिपण्णी केली कि त्या जातीचे इतर सदस्य भावनाप्रधान होऊन त्या वादात ओढले जातात आणि तेही आपल्या जातभाईची सारासार विचार न करता बाजू घेऊन समोरच्या व्यक्तीला शिवीगाळ करू लागतात. खूप दिवसांपासून अनेक समूहांत हे चित्र वारंवार पाहत आहे. अशा गोष्टी पहिल्या कि खूप निराश वाटायला लागत. समाज कुठे भरकटत आहे ? अर्थात फेसबुक म्हणजे काही समाज नव्हे. किंवा ते समाजाचे एक प्रातिनिधिक रूपही म्हणता येणार नाही. फेसबुक वापरणारे बहुधा कॉलेज ला जाणारे युवक- युवती आणि ज्यांना सोशल सर्फिंग ची आवड आहे असे लोक असतात. आता यातील अनेक जन उच्च शिक्षित असतात. अडाणी किंवा अशिक्षित माणसाने फेसबुक वापरण्याचा प्रश्नच येत नाही. या दृष्टीने पाहीले तर फेसबुक हा आजच्या युवा पिढीचा आणि बुद्धीजीवी समाजाचा आरसा म्हटल तर फारस वावग ठरणार नाही.

        

          आता अशा बुद्धीजीवी लोकांमध्ये इतक्या हिडीस प्रकारे हे जातीयवादाचे बीज या समूहांच्या माध्यमातून रोवले जात आहे हे चिंताजनक आहे. अशा समूहामध्ये वावरणारा जातीभेद विरोधी व्यक्तीही अशा वातावरणात राहून काही काळाने जातीयवादी होण्याची शक्यता दाट ......किंबहुना अनेक जन असे जातीयवादी बनत आहेत या समूहांच्या माध्यमातून. बहुतांश ब्राम्हण आणि दलित हे दोन वर्ग यात टार्गेट होत आहेत. विशेषत: यात ठळकपणे उठून दिसते ते एका संघटनेचे नाव ...संभाजी ब्रिगेड. अनेक खरे खोटे आयडी वापरणारे ब्रिगेडी कार्यकर्ते फेसबुकवर कार्यरत आहेत. किंबहुना यातील अनेकांना खास पगार देऊन या कामासाठी नेमले आहे कि काय अशी शंका यावी इतक्या सातत्यपूर्ण रीतीने हे लोक इथे जातीवाद पसरवना-या पोस्ट करत असतात. यांचे ठरलेले एकच काम. इतिहासाची पुरावाहीन मोडतोड आणि ब्राम्हणद्वेष. इतिहासकालीन ब्राम्हणांची पापे आता सुशिक्षित समाजापासून लपून राहिलेली नाहीत. तथापि काही धर्ममार्तंडांच्या पापांसाठी सर्वच ब्राम्हणांना दोषी धरणे कितपत सयुक्तिक आहे. आणि या मध्ययुगीन घटनांचे खापर सध्याच्या ब्राम्हण समाजावर फोडणे तर अतिशय निंदनीय आहे. सतत होणा-या या बोच-या प्रचारामुळे काही ब्राम्हण कृष्णाजी भास्कर सारख्या दुष्मनाचे समर्थन करताना दिसले तर यात दोष कोणाला द्यायचा ?

        

           या भीषण प्रचाराचे टार्गेट सावरकरांसारख्या पराकोटीच्या देशभक्त नेत्याला केले जाते तेव्हा विषाद वाटतो. टीका करावी पण ती कोणत्या हीन पातळीपर्यंत ? सावरकरांच्या सागरातील त्या सुप्रसिद्ध उडीमुळे त्यांचे नाव क्रांतिकारकांच्या इतिहासात अजरामर झाले ती उडी त्यांनी संडासाच्या खिडकीतून मारली होती म्हणून सावरकरांचे वर्णन संडासवीर केशरी पुठ्ठा असे केले जाते हि कुठली संस्कृती आहे ? हि कसली देशभक्ती आहे ? ही कसली इतिहासाची पुनरर्चना आहे ?

        

           या जातीभेदाने हिंदू धर्माचे प्राचीन काळापासून अपरिमित नुकसान केले आहे. सध्याच्या समाजात ज्या काही समस्या आहेत त्या सर्वांची मुळे या जातीभेदात आहेत असे माझे मत आहे. या परस्पर विद्वेषाने हिंदू समुदायात कधी म्हणावी अशी एकजूट होऊ शकली नाही. याचा फायदा परकीय आक्रमकांनी घेतला. सध्याची परिस्थिती पाहता या इतिहासाची पुनुरावृत्ती होऊ नये इतकीच हिंदू धर्माचा एक सच्चा पाईक म्हणून माफक अपेक्षा !!