युवा मनातील ‘ असीम ’ शक्तीचा धगधगता अविष्कार

असीम त्रिवेदी.......साधारण ८-१० दिवसांपूर्वी फारस कोणाला माहितही नसलेलं नाव. पण गेल्या काही दिवसांतील घटनाक्रमाने असीम या देशातील युवकांच्या गळ्यातला ताईत बनला आहे. सिस्टीम वर वैतागलेल्या युवा पिढीचा आयडॉल बनला आहे. त्याची कार्टून्स, त्याची अटक आणि सुटका यावर विविध राजनीतिज्ञ आपली मतमतांतरे मांडण्यात गर्क आहेत. मांडोत बापडे, पण माझ्यासारख्या सर्व सामान्य आणि राजकारणाच्या गटाराला वैतागलेल्या युवकाला मात्र तो हिरो वाटत आहे.

या युवकात एक आग आहे. एक जोश आहे . तत्वासाठी झोकून देण्याची वृत्ती आहे. स्वत:च्या विचारांवर त्याची श्रद्धा आहे. त्यासाठी सर्वस्व पणाला लावायची त्याची तयारी आहे. आणि अशी ध्येयवेडी माणस अख्ख्या दुनियेला आपल्यापुढे झुकायला पाडतात हे त्याने परत एकदा सिद्ध केले आहे. फक्त २४ वर्षाच्या या युवकाच्या राजकीय जाणीवा मात्र अत्यंत प्रगल्भ आहेत. खूप दिवसांपासून तो व्यंगचित्रे काढत आहे. इंटरनेटच्या सेंसरशिप विरुद्धचे आंदोलन असो वा अण्णांचा लोकपाल विधेयकासाठीचा लढा असो प्रत्येक ठिकाणी या युवकाने झोकून देऊन काम केले आहे. गेल्या मार्च महिन्यात १  एप्रिलला ‘ फूल्स डे ’ म्हणून घोषित करून नेटीझन्स चे आवडते नेते कपिलबाबा सिब्बल यांना हा दिवस समर्पित करण्याची मोहीम असीम ने आपल्या मित्रमंडळींसोबत छेडली होती. अभिव्यक्ती स्वातंत्र्याचा तो फार मोठा पुरस्कर्ता असल्याचे त्याच्या या कारकिर्दीवरून वाचकांच्या लक्षात आलेच असेल.

आधीच मनमोहनजींच्या सरकारची स्थिती आभाळच फाटल आहे त्यात ठिगळ तरी कुठ कुठ लावणार अशी आहे. असीमच्या खटल्याने एकंदर सरकारची सर्वच आघाड्यांवर नाचक्की केली आहे. मुळात जे देशद्रोहाचे कलम असीम ला लावले होते त्याची थोडी माहिती पाहू

    

        

काय आहे नेमका हा देशद्रोह कायदा ?

सैडीशन लॉ म्हणजे देशद्रोह कायदा हा एक उपनिवेषीय कायदा आहे. हा कायदा ब्रिटिशांनी १२५ वर्षांपूर्वी बनवला होता. भारतीय संविधानाने तो न बदलता जसाचा तसा स्वीकारला. भारतीय दंडसंहिता कलम १२४ अ नुसार जी देशद्रोहाची व्याख्या दिली आहे ती अशी आहे . “ कोणताही व्यक्ती जो सरकारविरोधी लिखाण करतो किंवा बोलतो किंवा अशा लिखाणाचे वा वक्तव्याचे समर्थन करतो त्याला आजीवन कारावास किंवा तीन वर्षाची शिक्षा होऊ शकते.” अर्थात हा कायदा ब्रिटीश घटनेने आता रद्द केला आहे पण भारतीय संविधानात तो अजूनही आहे.

या कायद्याचा उपयोग ब्रिटीश काळात अनेक स्वातंत्र्य योद्ध्याविरुद्ध केला गेला आहे. तर स्वातंत्रोत्तर काळात या कायद्याचा तडाखा अरुंधती रॉय, विनायक सेन यांना बसला आहे. भारतीय संविधानाने नागरिकांना एकीकडे अभिव्यक्ती स्वातंत्र्य दिले आहे तर दुसरीकडे अभिव्यक्ती स्वातंत्र्याचा गळा घोटणारा हा विवाद्य कायदा आहे.

असे जुलमी कलम आपल्याला लावले, ते रद्द करावे म्हणून असीम ने प्रथम जामीन घ्यायला नकार देऊन सरकारची चांगलीच गोची केली. त्याचा हा निर्णय त्याच्या कार्याला एक वेगळीच झळाळी देऊन आणि त्याला चर्चेचा केंद्रबिंदू बनवून गेला. तथापि नंतर न्यायव्यवस्था आणि गृहमंत्र्यांच्या आश्वासनाचा मान ठेवण्यासाठी त्याने जामीन स्वीकारला. सरकारला एका अर्थाने त्याने गुडघे टेकायला भाग पाडले. काय आहे या असीम जवळ ?? फक्त एक या भ्रष्ट सिस्टीमविरुद्ध काळजात भडकणारी आग आणि तत्वांवरची अविचल निष्ठा. एवढ्याच भांडवलावर त्याने आज देशातील अनेक तरुणांना प्रेरणा देण्याचे कार्य केले आहे.

असीम त्रिवेदीची कार्टून भलेही काहीजणांना वादग्रस्त वाटतात. आम्हाला मात्र ती फक्त सामान्य माणसाचा प्रशासनावरचा संताप व्यक्त करणारी, भ्रष्टाचार, अनागोंदी कारभार याविषयी चीड व्यक्त करणारी प्रातीनिधीके वाटतात. उसका तरीका गलत हो सकता है लेकिन इरादा नेक था ....असीम आगे बढो .....हम आपके साथ है .....!!      

-----------------------------------------------------------------------------------------     

  असीम ची काही व्यंगचित्रे

एका जातीयवादी तथाकथित ब्राह्मणाचा पर्दाफाश

नुकताच एक महाभयंकर, जातीयवादी ब्लॉग वाचनात आला. या ब्लॉग वरील लेखन कोणत्याही सुसंस्कृत माणसाला चीड आणेल असेच होते. माझे तर डोकेच सरकले ते सर्व वाचून. इथ कोहम महोक नावाचा (फेक नाव ) एक विकृत इसम जातीयवादी गरळ ओकत असतो. संभाजी ब्रिगेड हि एक ब्राम्हण द्वेष करणारी संघटना आहे हे सर्वश्रुत आहे. कोणत्याही सुसंस्कृत मराठा व्यक्तीला असला उग्र जातीयवाद मान्य होणार नाही. माझ्या फेसबुक आणि जातीयवाद या लेखात मी या संघटनेवर खरमरीत टीकाच केली आहे.

 मराठा ही महाराष्ट्रात बहुल असणारी जाती आहे. मुठभर मराठे बिग्रेड संघटनेत असतील. उलट इतर जातीय लोकच या संघटनेत अधिक आहेत. प्रश्न तो नाही. पण हा कोहम महोक नामक विकृत इसम ब्रीगेडींना प्रत्युत्तर देण्याच्या मिषाने या ब्लॉग वर संपूर्ण मराठा जातीवर शेरेबाजी करत असतो. आणि ब्राम्हण ही एक सुसंस्कृत जाती आहे बाकी सर्व जाती असंस्कृत आहेत अशी प्रौढी मिरवत असतो. ब्राम्हण सुसंस्कृत आहेत, ठीक आहे , यावर आम्ही भाष्य करण्याचे कारणच नाही पण मराठे असंस्कृत आहेत असे जर हा विकृत इसम म्हणत असेल तर यातूनच त्याची संस्कृती आणि संस्कार कळून येतात.

याने “अनिता पाटीलचे कोहम ला प्रेमपत्र” नावाचा एक विकृत लेख लिहिला आहे. अनिता पाटील या संभाजी ब्रिगेड च्या एक कार्यकर्त्या आहेत. आता खेडेकर वगैरे मंडळी ब्राम्हण स्त्रियांवर ज्या पातळीवर जाऊन टीका करतात ते पाहता त्याचे येथे काहीसे खालच्या पातळीवर जाणें देखील समजून घेता येईल की ती फक्त एक प्रतिक्रिया होती म्हणून पण याच लेखात त्याने समस्त मराठा जातीबद्दल जे आपले अकलेचे तारे तोडले आहेत ते चीड आणणारे आहेत. तुम्ही जी एकमेकांवर चिखलफेक करायची ती करा ना. यात सबंध जातीला मध्ये आणून तुम्ही नवे जातीयवादी बनवण्याचे काम करत आहात याचे ही जरा भान ठेवा.

मी केवळ नमुन्यादाखल ह्या विकृत महाभागाची विकृत वाणी त्याच्याच शब्दात पुढे देत आहे. त्यावरून या इसमाबद्दलचे आपले मत आपणच बनवा.

“मला तडफदार पुरुष फारच आवडतात. त्यात विद्वत्ता आणि तडफ एकत्र आली की पुरुष काय सुंदर दिसतो, अगदी हवाहवासा वाटतो. त्यात परत विद्वत्ता आम्हा मराठ्यांत कमीच आणि तडफ  तर फक्त तोंडात.”

“आमच्या मराठा समाजात तोंडात फार बळ, स्वतःला लढवैय्ये, धडाडीचे, शूर वीर आणि काय काय म्हणतात, सारखा सारखा धोशा लावतात. पण इतिहास बघता मराठ्यांनी लढायचे साधारण १८५७ सालापासूनच सोडले. ब्राम्हण कसे पूर्वीपासून ते आत्तापर्यंत बहुतेक सर्व क्षेत्रात पुढे, एकही असे क्षेत्र सापडणार नाही जिथे ब्राम्हण तज्ञ सापडणार नाही.”  

“सांगायचा मुद्दा असा की, आमच्या मराठा जातीतच इतके उपप्रकार आहेत की सांगायची बात नको. आता ब्राम्हणांनी हे उपप्रकार तयार केले असे म्हणणे हा मूर्खपणा आहे हे मला समजते. आणि उच्च निचीची कल्पना मराठ्यांत अतिशय रुजलेली. जर का ९६ कुळी देशमुख असेल तर त्याला साधा ९६ कुळी पाटील चालत नाही, आमच्यासारखे साधे मराठा तर सोडाच. पंचकुळी तर स्वतःला देवच समजतात. तर सांगायचा मुद्दा असा की जातीयवादात ब्राम्हण नाही तर मराठे पुढे आहेत, ते साळ्या-माळ्यावर रोब दाखवतात आणि महार मांग बौद्ध लोकांची यथेच्छ नालस्ती करतात. ह्याउलट ब्राम्हण लोक अतिशय मोकळ्या मनाचे असतात आणि तडफदार असतात. हुशार असतात, उंच दिमाखदार रुंद छातीचे असतात, नाहीतर आमचे मराठा पुरुष, बिनडोक किरकोळ काटक्या नुसत्या. तुम्ही ब्राम्हण पुरुष निर्व्यसनी असता तर आमचे पुरुष नुसते पेताड, फुकट मिळेल तिथे दारू प्यायची आणि मिळेल त्या गटारात पडायचे. नाहीतर घरी येऊन बायकोला मारहाण करून रोब दाखवायचा. त्यामुळे मला मराठा पुरुषाशी लग्न करायचेच नव्हते. मराठा पुरुषाच्या तोंडाला दारूचा नाहीतर गाय छापचा घाणेरडा गलिच्छ वास, तर ब्राम्हण पुरुष कायम स्वच्छ. मराठा पुरुष उगाच कर्जे काढून, उधार उसनवार करून निर्वाह करतील तर ब्राम्हण अतिशय नीतीने काटकसरीने राहून पैसा गाठीला बांधून ठेवतील आणि मग बायकोला महाबळेश्वरला फिरायला नेतील. उगाच खोटा आव नाही की खोटी तरफदारी नाही. किंबहुना ब्राम्हण जातीत एकूणच खोटेपणा कमी दिसतो.”

“आणि हेही माहित आहे की मराठ्यांचे आरक्षणाची भीक मागणे ही लबाडी आहे.”

आता हे तारे या इसमाने केवळ एकाच लेखात तोडले आहेत. सबंध ब्लॉगवर त्याने असे किती तारे तोडले असतील ते वाचण्याची इच्छाशक्ती आमच्यात तर नव्हती.

आणि एक विशेष या लेखात मराठा जातीवर टीका केल्याने खवळलेल्या मराठा ब्लॉगरनी खाली कमेंटमध्ये या इसमाची अतिशय बेइज्जत केली. याच्या आईबहिणींवर अतिशय खालच्या पातळीवरून कमेंट केल्या. असल्या कमेंट देखील याने डिलीट केल्या नाहीत. कारण काय तर इतर जातींची असंस्कृतता आणि ब्राम्हण जातीची सुसंस्कृतता इतरांनी पहावी म्हणून. स्वत: ची सुसंस्कृतता सिद्ध करणे कोणते मोल देऊन ? स्वत:च्या  आई बहिणींवर केलेली हीन टीका इतरांना वाचण्यासाठी उपलब्ध करून देऊन ?? त्यांच्या अब्रुचे मोल देऊन ?? आम्ही जुने नेटिझन असल्याने आणि इथ सर्व सोशल साईटवर नेमके काय चालते याची कल्पना असल्याने आम्हाला ब्राम्हण जातीबद्दल चीड आली नाही . कारण हा एक नालायक इसम म्हणजे समस्त ब्राम्हण जाती नव्हे याची आम्हाला पूर्ण जाणीव आहे. अर्थात मला या सडक्या बुद्धीच्या कोहम महोक चा अतिशय राग आला आणि लेख वाचून आलेली शंका की हा इसम विकृत आहे, कमेंट वाचून खात्रीत बदलली. माझा माझ्या ब्राम्हण मित्रांना देखील आग्रह आहे त्यांनी समस्त ब्राम्हण वर्गाबद्दल चीड उत्पन्न करणारे लेखन करणा-या आणि समाजात जातीयवादी तेढ वाढवणा-या या इसमाला रोखण्यासाठी शक्य ते सर्व प्रयत्न करावेत. आणि सर्वांनी मिळून हिंदू धर्माच्या ऐक्याला हातभार लावावा.

जय भवानी .......!! जय शिवाजी ....!! जय महाराष्ट्र .......!!