चिंच गुळाची फोडणी आणि पुरीभाजी

आज जरा घाई होती व पुढे कामे होती बरीच ..
त्यामुळे जेवणापेक्षा अल्पोपहारावर भागवावे आणि पुढे वेळ मिळाल्यावर जेवणाचे पाहावे असा विचार केला.
तसा मी या ब्राह्मणी हॉटेलमध्ये कधी मधी जेवलो असेन मागे ..
पण तूरळक . बाहेर जेवताना शुद्ध शाकाहारी आवर्जून कशाला जेवेल कोण?
तर मग जरा वेळ कमी असल्याने पटकन येईल म्हणून पूरी भाजी मागवली.
पटकन म्हणता तिने बराच वेळ घेतला तरी.
आणि आली तेव्हा वरणासारखी हळदीची फोडणी दिलेली पिवळी भाजी चक्क पूरी भाजी प्लेट मध्ये पाहुन धक्का बसला.
आणि आता पुढे ताटात काय वाढून ठेवलेय याचीही अंमळशी कल्पना आली.
तर भाजी बघुन वाटले होती तशीच गोडसर होती ...
चिंच गुळाची चरचरित फोडणी दिली असावी बहुतेक.
उसळ गोडसर, चटणी गोडसर, लोणचे गोडसर.
तोंडाची चव गेली पार .. ठीक आहे. असतात वेगवेगळ्या ट्रेडमार्क चवी लोकांच्या. पण हे काही पुणे नाही.
सोलापूर मध्ये, तेही चक्क मोहोळजवळ गोडसर पूरीभाजी ?
हन्त हन्त !!!
आणि पुरीचा आकार ... चार घासात चार पुऱ्या संपल्या. आणि एकंदर चवी चा स्ट्रीम बघुन अजुन काही मागवण्याची इच्छा होईना ..
पोट अगदी पूर्ववत रिकामेच वाटत होते.
आणि सगळ्यांचे चेहरे फोटो काढणेबल..
मग जरा पुढे जाऊन एक छान पैकी शिवनेरी की शिवशक्ती कायस हॉटेल निवडल..
काम को मारो गोली म्हटल ..
मालवणी सुक्क मटन हंडी आणि तेजतर्रार लालभडक, तेलाचा इंचभर कट असणारी तर्री .. खास सोलापुरी ..चापुन हानली.
तेव्हा कुठे डोक्यातल्या गोड गोड मुंग्या गेल्या.
©सुहास भुसे